Көліктің ішінде кәмелетке толмаған қызы бар отбасы отырған, деп хабарлайды @Pavlodarnews.kz тілшісі.

Қалалық әкімшілік құқық бұзушылықтар жөніндегі мамандандырылған сотында бөтен мүлікті қасақана бүлдіру фактісі бойынша азамат Х.-ға қатысты әкімшілік құқық бұзушылық туралы іс қаралды.

– Ағымдағы жылдың қазан айында Павлодар қаласында азамат Х. масаң күйде болып азаматша Н.-ға тиесілі автокөліктің артқы терезесіне қасақана кірпіш лақтырған. Сот отырысында азаматша Н. аталған жағдайларда өз отбасымен бірге автокөліктің салонында болғанын, оның 12 жастағы кәмелетке толмаған қызы артқы орындықта отырғанын түсіндірді. Кенеттен азамат Х. оның көлігінің артқы терезесіне кірпіш лақтырған, нәтижесінде терезе сынған, кірпіш шыныда қалған, шыны сынықтары артқы орындықта отырған қызына ұшқан. Материалдық шығын 60 мың теңгеге жуық, – деді ведомствода.

Азамат Х. құқық бұзушылықты жасаудағы кінәсін толық мойындап, хаттамада көрсетілген мән-жайларға дау айтпады. Ол масаң күйде болып автокөліктің артқы терезесіне кірпіш лақтырғанын түсіндірді. Құқық бұзушының әкімшілік құқық бұзушылықты жасаудағы кінәсі, оның мойындауынан басқа, әкімшілік құқық бұзушылық туралы хаттамамен, бейнежазбамен және сотта зерттелген жеткілікті және жол беруге дәлелдеме болып табылатын іс материалдарымен расталады.

– ӘҚБтК 147-1-бабының 1-бөлімі бөтен мүлікті қасақана жою немесе бүлдіру, егер бұл әрекетте қылмыстық жазаланатын іс-әрекет белгілері болмаса – елу айлық есептік көрсеткіш мөлшерінде айыппұл салуды немесе бестен жиырма тәулікке дейінгі мерзімге әкімшілік қамаққа алуды көздейді, – деп түсіндірді соттың баспасөз орталығында.

Сот азамат Х.-ны кінәлі деп танып,  оған 10 тәулік мерзімге әкімшілік қамаққа алу түріндегі әкімшілік жаза тағайындады.

Қаулы заңды күшіне енген жоқ