Ер адам қамауға алынды, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, Естай көшесінде патрульдеу кезінде 28 жастағы жас жігіттен ұнтақ заты бар жеті полиэтилен байламы тәркіленген. 

– Сараптама қорытындысына сәйкес, зерттеуге ұсынылған заттар салмағы 2,6 грамнан асатын психотроптық зат екені анықталды.  Сонымен қатар, сараптама нәтижелері  қала тұрғынының есірткіге мас күйінде болғанын көрсетті, – дейді департаментте. 

Аталған фактіге қатысты Қазақстан Республикасы ҚК 297-бабының 3-бөлігі бойынша сотқа дейінгі тергеп-тексеру жүргізілуде.

Айта кетейік, тәртіп сақшылары жыл басынан бері 35586 құқық бұзушылықтың  жолын кесіп, 432 қылмыс ашылды.