Жөндеу жұмыстарының себебінен кешке дейін электр қуаты өшіріледі, деп хабарлайды @Pavlodarnews.kz.

Павлодар облысының 109 бірыңғай байланыс орталығының мәліметінше, 4 наурызда трансформаторлық қосалқы станция, жиынтық трансформаторлық қосалқы станция және әуе электр беру желісінде жөндеу жұмыстары жоспарланған.

Аймауытов, Малинова, Новоселов, Клубничная, Сурова, Әуезов, Гайдар көшелері бойындағы тұрғын үйлерде кешкі сағат 16:00-ге дейін жарық өшіріледі. 

Ал кешкі сағат 17:00-ге дейін Катаев көшесі, 44 мекенжайындағы Әбусейітов атындағы мәдени демалыс орталығында, Катаев көшесі, 42 мекенжайындағы «Игрушки» дүкені және «Березка» шаштаразы мен тұрғын үйде жарық болмайды.