Әйелге мүгедек мәртебесіне сәйкес кезекке қайтарудан бас тартты, деп хабарлайды @Pavlodarnews.kz тілшісі.

Облыстық мамандандырылған ауданаралық әкімшілік сот баспасөз қызметінің мәліметінше, көп балалы ана мемлекеттік тұрғын үй қорынан тұрғын үйге мұқтаж тұлғалар ретінде ұзақ уақыт бойы есепте тұрған.

2022 жылы әкімдік оған Кенжекөл ауылында пешпен жылытылатын жаңа үйден пәтер берді, бірақ тұру барысында сумен жабдықтау және кәріз бойынша көптеген мәселелер анықталды. 

2023 жылы әйел мүгедек деп танылып, денелік жүктемемен айналысуға қарсы көрсетілімдер болды, соның салдарынан талап қоюшының пешті жағуға мүмкіндігі болмай қалды. 

– К. әкімге тұрғын үй кезегін қалпына келтіру немесе мүгедек мәртебесіне сәйкес басқа тұрғын үй беру туралы өтінішімен жүгінген, бірақ оған бас тартылды. Істі қарау барысында сот әділдік пен ақылға қонымдылық қағидаттарының, сондай-ақ әкімшілік іс жүргізу тәртібінің бұзылуын анықтады, – дейді соттың баспасөз орталығында.

Сот шешімімен жауапкер талап қоюшымен пәтерді жалдау шартын бұзуға мәжбүр болды. Сонымен қатар, әйел мүгедектік мәртебесіне сәйкес, 2014 жылдың 27 маусымынан көп балалы отбасы санаты ретінде тіркелген кезден бастап мемлекеттік тұрғын үй қорынан тұрғын үй алу кезегіне қалпына келтіріледі. 

Сот шешімі заңды күшіне енді.