М. Катаев атындағы Оқушылар сарайында өткен «Bala business»  байқауының облыстық турына  44 жеткіншек қатысты, деп хабарлайды @Pavlodarnews.kz.

Әдіскер Әсем Айыпованың айтуынша, 5-11-сыныптардың оқушылары қызмет көрсету, өндіріс, сауда, қоғамдық тамақтану, ойын-сауық және бизнес саласында өздерінің бизнес-жобаларын ұсынған. Оның ішінде микрожасылдарды өсіру және іске асыру, Канзаши техникасында зергерлік бұйымдар жасау, үстел ойындарын әзірлеу, «Жаңа піскен кондитерлік өнімдер» наубайханасын ашу, «Сабын шеберханасы», «Эко сауда сөмкелері», «Мектептегі жаттығу залы», «Anime_studio», «Этноауыл - ауылдағы лагерь» және басқа да жобалар қазылар алқасының көңілінен шыққан. 

Аққулы ауданынан келген Русанна Ванаева мен Алина Валиева эпоксидті шайыр өнімдерінен жасалған заттар дайындаған. 

– Эпоксидті шайыр өнімдері жастар арасында үлкен сұранысқа ие. Біз зергерлік бұйымдар, аксессуарлар, кілттер жасаймыз. Алдағы уақытта сағаттар, картиналар жасауды жоспарлап отырмыз. Өз сайтымыз бен өнімдерімізді жарнамалау үшін Instagram парақшасын аштық,  – дейді олар. 

Ямышев ЖОББМ  оқушысы Арина Ховалко болса, «Тазартатын шамдар»  жобасын таныстырды. Ол бұл шамдардың денсаулыққа өте пайдалы,  сондықтан үлкен сұранысқа ие  екенін айтады. 

– Көптеген қызықты бизнес жобалар ұсынылды. Балалар өз идеяларын жүзеге асырды. Сондай-ақ қазірдің өзінде өнімдері мен тауарларын сатып жатқан балалар да болды. Байқау өмір сапасын дамытуға бағытталған оқушылардың әлеуметтік маңызды бизнес-жобаларын анықтауға және одан әрі дамытуға ықпал етеді, – деді жоба үйлестірушісі Аксана Фрик.

Облыстық «Bala business» кезеңнің қорытындысы бойынша «Bala business holiday» жас кәсіпкер мектебінде оқитын жас кәсіпкерлер командасы құрылады. Бұл – жас бизнесмендерді қаржылық сауаттылыққа, бизнеске қадам жасауға үйрететін мектеп. Команда үшін оқыту бағдарламасы дайындалды және қатысушылар бизнес-тренерлерге қатысып, өңірдің жетекші бизнесмендерінен қолдау ала алады.  

 Байқау  қорытындысы бойынша  Аққулы ауданы Қазы ЖОББМ оқушылары  Дильназ Аманова, Інкәр Жалқыбай, Павлодар қаласы № 33 ЖОББМ оқушылары Әлихан Темірбай бірінші орынды алды.