Облыс орталығында үздік әншіні анықтайтын болады, деп хабарлайды @Pavlodarnews.kz.

Жастар бастамаларын дамыту орталығы «Pavlodar dauýsý» вокалдық байқауын жариялайды. Бұл талантты музыканттарды қолдау, олардың музыкалық дағдыларын дамытуға ықпал ету және таланттарын кең аудиторияға көрсетуге мүмкіндік беру мақсатында ұйымдастырылып отырған іс-шара.

– Байқауға өңірдің 14-35 жас аралығындағы жастары қатыса алады. «Минус» фонограммасының сүйемелдеуімен бір ән дайындау қажет. Қатысушыларды орындаушылық шеберлік, сахна мәдениеті, әртістік, вокалдық шеберлігі бойынша бағалайтын болады, – делінген хабарламада. 

14-17 қарашада іріктеу кезеңінде финалда бақ сынасатын әншілерді таңдайды. Екінші кезеңге 30 қатысушы өтетін болады. Финалға жеткен үздік әншілер бағалы сыйлықтармен марапатталады. Үшінші орын үшін сымсыз құлаққаптар, екінші орынға студиялық монитор, бірінші орын үшін микшерлі пульт, ал гран при иегеріне iPad планшеті беріледі. 

Қатысуға өтінімді kgu_crmi@mail.ru электрондық мекенжайына жіберу қажет. Өтінімдерді қабылдау 10 қарашаға дейін қабылданады. Конкурс туралы толық ақпаратты 8 (7182) 66-12-37, 8-705-594-92-40 телефондары арқылы білуге болады.