Қазір ол туыстарымен бірге, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, тәртіп сақшылары бағдар жасап, облыстың барлық аумақтық бөлімшелеріне және жақын маңдағы өңірлерге жіберілді. Дереу жасөспірімді іздеу ұйымдастырылды. Қаланың жертөлелері және шатырлары, үй-жайлары, қараусыз қалған ғимараттар, құдықтар, саяжай алқабы тексерілді. 

– Жоғалған адам туралы ақпарат жергілікті БАҚ пен әлеуметтік желілерде жарияланды. Іздеуге 300-ге жуық азамат тартылды: полиция және ТЖ қызметкерлері, сондай-ақ екі іздестіру иті, еріктілер, тікұшақ және ұшқышсыз ұшатын аппарат пайдаланылды. Сағат 13.00 шамасында кәмелетке толмаған бала ұшу аппараты түсірілімдерінің көмегімен саяжай қоғамдастығы ауданында байқалды, – деп хабарлады департаментте. 

Еске сала кетейік, 22 қараша күні таңертең Екібастұз қаласының полициясына 9-сынып оқушысын іздестіруге жәрдемдесу туралы туыстары жүгінген. Кәмелетке толмаған бала сағат 03:00 шамасында үйден шығып, оралмаған болатын.