Мемлекеттік қызметші біліктілігін арттыруға жіберілген болатын, деп хабарлайды @Pavlodarnews.kz.

Жергілікті атқарушы органдардың қызметкерлерін мемлекет есебінен оқыту кезіндегі бұзушылықтар Әдеп жөніндегі кеңесте талданды. Бұл көбінесе қалалар, сондай-ақ, Баянауыл және Май аудандары әкімдерінің аппараттарында орын алғаны белгілі болды.

Май ауданында мемлекеттік қызмет істері департаменті араласқанға дейін біліктілігін арттыруға жіберілген шенеунікке бірнеше ай бойы іссапар шығындары төленбеді.

– Желтоқсан айында ҚР Президенті жанындағы Мемлекеттік басқару академиясының Павлодар облысы бойынша филиалында қайта даярлау және біліктілігін арттыру кезінде 55 мемлекеттік қызметшінің құқықтары қалпына келтірілді, – деп хабарлады ведомствода.

Біліктілікті арттырудан, қайта даярлаудан үш жылда бір рет өту қажет. Алайда, жергілікті әкімдіктердің көптеген қызметкерлері үшін бұл талап сақталмады. Олар академияға кейінірек немесе мүлде жіберілмеді.

Сондай-ақ, мемлекеттік қызмет істері департаменті шенеуніктерді оқыту тәжірибесін үнемі талдап отыратынын айтады.