Биыл Тереңкөлде 6 ауылдың кіреберіс жолдары жөнделеді (ВИДЕО)

Ол қатарда Фрументьевка және Жасқайрат, Федоровка, Байқоныс, Трофимовка, Воскресенка ауылдары бар, деп хабарлайды @Pavlodarnews.kz.

Павлодар облысы әкімінің баспасөз қызметінің мәлімдеуінше, аймақ басшысы Тереңкөл ауданына жұмыс сапарымен барды.

- Биыл Қызылтаң ауылында «Ауыл – ел бесігі» бағдарламасымен сауық орталығының құрылысы басталып, 3,2 км жол жөнделуде. 2024 жылы Калиновка ауылындағы мәдениет үйі, мектеп және медициналық пункт қайта жөндеуден өтеді, - делінген хабарламада.

Асайын Байханов бұл жобаларды іске асыру ауылдардың дамуына жаңа серпін беріп, тұрғындарды білім және медицина саласындағы сауықпен және сапалы қызмет көрсетумен қамтамасыз ететінін атап өтті.

Кез-келген елді мекенді абаттандырудың маңызды факторының бірі - жолдардың сапасы. Осы жылы Тереңкөл ауданында жүзеге асырылып жатқан инфрақұрылымдық жобалардың бірі облыстық маңызы бар «Ивановка-Трофимовка» жолының 27 км жөндеу болып табылады. Оны 2023 жылдың шілде айының соңына дейін аяқтау жоспарлануда.

Ал аймақ басшысы бірқатар нысандардың жөндеуді қажет ететінін айтты.

- Ауданды аралау барысында пошта және полиция бөлімшесі орналасқан ауылдық әкімшілік ғимаратты қарап шықтым. Ғимарат жөндеуді қажет етеді және ауылға қажетті мамандар үшін тұрғын үй ретінде пайдалануға болатын бос алаңдар бар. Әкім мен жергілікті қоғамдастық бос үй-жайларды қалай тиімді пайдалану керектігін бірлесіп шешуі керек, - деді Асайын Байханов өзінің Instagram парақшасындағы жазбасында.

Сондай-ақ, облыс әкімі биылғы жылы Фрументьевка және Жасқайрат, Федоровка, Байқоныс, Трофимовка, Воскресенка ауылдарының кіре беріс жолдарын жөндеуді және осы жобаларды аяқтауды тапсырды.

Сонымен қатар, өңір басшысы аудандағы көктемгі егіс жұмыстарының барысымен танысып, шаруа қожалықтарының басшыларымен кездесті.