Бұл әйгілі чемпионның кеншілер шаһарына алғашқы сапары болмақ, деп хабарлайды @Pavlodarnews.kz.

Қалалық мәдениет, тілдерді дамыту, дене шынықтыру және спорт бөлімінің мәліметінше, 12 желтоқсанда олимпиада чемпионы, халықаралық спорт шебері, Қазақстанның бокс бойынша еңбек сіңірген спорт шебері Серік Сәпиев тұңғыш рет Екібастұзға ат басын тірейді.

Ол сағат 10:00-де «Қайнар» білім беру кешенінде мектеп оқушыларымен кездеседі. Ал сағат 11:00-де «Жасыбай» БЖСМ-нің үлкен залында Серік Сәпиевтің спортшылармен, қала жастарымен және БАҚ өкілдерімен брифингі өтеді. Одан кейін чемпион «Жасыбай» БЖСМ-нің бокс бөліміндегі бокстан ашық жаттығуына қатысады.