Ветеринария саласындағы заңнаманы бұзғаны үшін 11 азамат жауапқа тартылды, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, мал ұрлығын жасауға қатысы бар адамдарды анықтауға, оларды ұстауға және жауапқа тартуға бағытталған «Мал ұрлаушы» жедел профилактикалық іс-шара барысында 500 көлік құралы мен 200-ге жуық ет өнімдерін өткізу пунктін тексерді.

Тексеріс кезінде 300-ден астам мал иелеріне қайтарылды, 400-ден астам шаруа қожалықтарын, шалғайдағы нүктелерді, фермаларды аулалық аралау жүргізілді, олардың иелерімен мал ұрлығының алдын алу бойынша әңгімелер жүргізілді.

 –   Тәртіп сақшылары мал ұрлығына күдікті жеті адамды анықтап, ұстады. Ветеринария саласындағы заңнаманы бұзғаны үшін 11 азамат жауапқа тартылды, 400 мың теңгеден астам сомаға айыппұл салынды, - деп хабарлады департаментте.

Бұдан басқа, ауыл шаруашылығы жануарларын еркін жаю үшін 42 мал иесі жауапкершілікке тартылды, 500 бас қаңғыбас мал мамандандырылған қораларға орналастырылды.

Полицейлер ет пен малдың заңсыз саудасы тек құқықтық салдарға ғана емес, сонымен қатар тұтынушылардың денсаулығына елеулі қауіп төндіруі мүмкін екенін еске салды. Қажетті сертификаттарсыз және ветеринарлық құжаттарсыз ет өнімдері қауіпті болуы мүмкін, өйткені қауіпсіздікке тиісті тексеруден өтпеген. Ал иесіз қаңғыбас мал мал ұрлығының олжасына айналады, қала маңындағы трассаларда жануарлардың пайда болуы жол-көлік оқиғасын тудыруы мүмкін.