Ленинградты қорғау кезінде қаза тапқан тағы бір жауынгердің туыстарына іздеу салынады, деп хабарлайды @Pavlodarnews.kz тілшісі.

Морев Дмитрий Иванович 448-шабуыл авиациялық полкі, 481-шабуыл авиациялық дивизиясының кіші сержанты, әуе атқышы. 1922 жылы Солтүстік Қазақстан облысында туған. Первомайский аудандық әскери комитетінен шақырылған. Әкесі – Морев Иван Павлович.

– Жыл сайын әртүрлі елдерден келген әріптестеріміз жүгінеді. Ресей Федерациясының Ленинград облысында Ұлы Отан соғысы жылдарында жоғалып кеткен жерлесіміз жайлы тағы бір жаңалық бар, – деді «Майдан жолы» Павлодар іздестіру зерттеу жасағының командирі Александр Шитов.

Зерттеу жасағында майдангердің туыстарын іздеуді ұйымдастыруға көмек көрсетуді сұрайды. 

Қазақстан аумағында тұратын туыстарымен барлық мәселелер бойынша +7 777-461-73-78 телефон нөмірі арқылы хабарласуға болады.