Олар ресми хаттың жеткізілгеніне сендіріп, адамның ұялы телефонына келген кодты айтуын сұрайды, деп хабарлайды @Pavlodarnews.kz.

Соңғы уақытта интернет-алаяқтар «Салық төлеу туралы жедел ескерту» деген жалған хабарламалар таратып, мемлекеттік қызметші болып танысып, азаматтарға қоңырау шала бастады. Олар адамның қажетті есептілікті (270-нысан) тапсырмағанын айтып, өз нұсқауларын орындауды сұрайды.

– Алаяқтар өздерін курьер ретінде таныстырып, азаматтың атына салық органынан хат келгенін айтып сендіреді. Олар бұл «ресми» хатты жеткізуді ұсынады және жеткізу шығынын Мемлекеттік кірістер комитеті төлейді деп хабарлайды. Күмәнді хабарламалар мен қоңырауларға сенбеңіздер, бейтаныс сілтемелерге өтпеңіздер және кодтарды ешкімге бермеңіздер. Барлық ақпаратты тек ресми дереккөздер арқылы тексеріңіздер, – деді облыстық мемлекеттік кірістер басқармасында.

Алаяқтар жәбірленушінің нөміріне 1414 қысқа нөмірінен SMS жіберіп, алты таңбалы кодты сұрайды. Бұл кодты алған сәтте олар азаматтың деректеріне немесе аккаунттарына қол жеткізе алады.