- «TALQYLAU» өзін ауқымды өзекті мәселелерді талқылауға арналған әмбебап диалог алаңы ретінде көрсетті. Талқылау біржақты түрде болмайды-әркім өз сұрақтарын қойып, сөз сөйлеп, пікірталасқа түсіп, өз бағасын бере алады және әлеуметтік желілерді пайдаланушылардың тікелей эфирде өз пікірін ащық жазуға мүмкіндіктері бар», - деді Айгүл Маликова.

Павлодар облысы аумақтық кәсіподақтар бірлестігінің басшысы Динара Айтжанова өндірістегі нөлдік жарақаттанудың алдын алу және оған қол жеткізу және еңбек дауларын қызметкердің пайдасына шешудің маңыздылығы тақырыбын көтерді.

- Кәсіподақ ұйымдары ел Президенті ұсынғандай, 2030 жылға дейін ағымдағы жылдың соңына дейін Қауіпсіз еңбек тұжырымдамасын әзірлеуді және қабылдауды қолдайды. Тұжырымдама жұмыс орындарындағы кәсіби тәуекелдердің алдын алуға және өте өзекті мәселе болып қалатын жоғары өндірістік жарақаттануды азайтуға ықпал ететініне сенімдіміз.

Павлодар өңірі жарақаттану бойынша антирейтингте 4 орын алады. Өңірде 46 000 – нан астам адам зиянды өндіріс жағдайында жұмыс істейді, олардың басым бөлігі әйелдер, - деді Динара Айтжанова.

Облыстық мәслихаттың депутаты Асылбек Туғанбай жаңа Жолдаудың алдыңғысымен салыстырмалы талдауын жүргізді.

- Өткен жылдардағы Жолдаулардың қорытындысы бойынша Президенттің көптеген бастамалары іске асырылды. Бірқатар жұмыстар әлі де жалғасуда. Мысалы, игерілмеген немесе заңсыз берілген 8 миллион гектар жер мемлекет меншігіне қайтарылды. Бұл жұмысқа "AMANAT" партиясы белсенді қатысып, "Жер Аманаты" комиссиясын құрды – деді Асылбек Туғанбай.

TALQYLAU диалог алаңының жұмысы барысында қатысушылар мен көрермендер әлеуметтік желілерде сұрақтар қойып, пікірлерімен бөлісті. Партиялықтар белсенділігі үшін барлығына алғыстарын білдірді-осындай форматтағы талқылаулар жалғасады, «AMANAT» жұртшылықты толғандыратын мәселелерді талқылауға шығаруға дайын.