Әні мен сөзі жарты жылға жуық жазылған, деп хабарлайды @Pavlodarnews.kz.

1 маусымда жазғы концерттер маусымы павлодарлықтар үшін ерекше басталады. Бұл туралы Өңірлік коммуникациялар қызметінде өткен баспасөз конференциясында Павлодар қаласы әкімінің орынбасары Светлана Гладышева мәлім етті. 

– Былтыр маусымның жабылуына дайындалып жатқанда қызықты ой туындады. Гимн екі тілде орындалады. Сөзі мен әні жарты жылдай ретке келтіріліп, жазылды, – деді ол. – Бізде концерттер кезінде талай рет сөз салу болды. Ерке Есмахан мен Раймның махаббаты Павлодардың бас сахнасынан бастау алды. «Ertis Promenade»-тың гимні талай отбасының құрылуына себепші болады деп сенеміз, – деді Светлана Гладышева.  

Гимнді қазақстандық композитор Ғалымбек Исембергенов жазды. 

Еске сала кетейік, «Ertis Promenade» маусымында елге танымал жұлдыздар өнер көрсетпейді. Бас сахнада жергілікті әртістер шығармашылығын шыңдайтын болады.