Жөнделетін учаскенің ұзындығы 35-40 метрді құрайды, деп хабарлайды @Pavlodarnews.kz.

«Павлодарские тепловые сети» ЖШС мамандары қысқы дайындықты жалғастыруда. Гидравликалық сынақтар кезінде солтүстік желілік ауданда Назарбаев даңғылы мен Торайғыров көшесінің қиылысындағы трамвай жолдарының астындағы жылу желісінің зақымданғаны анықталды.

Қазір бұл учаскеде диаметрі 630 миллиметр кері құбыр ауыстырылуда. Жұмыстар Торайғыров көшесі жолын бұзбай, жолдың астына құбырды тесу-итеру әдісімен орындалуда. Жұмыстар павлодарлықтарды ыстық сумен жабдықтаудан ажыратпай жүргізілуде.