Алдын ала дерек бойынша көлік дөңгелегін орнату кезінде жарылыс болған, деп хабарлайды @Pavlodarnews.kz.

Бұл туралы облыстық полиция департаменті баспасөз қызметі хабарлады. 

Салдарынан техникалық қызмет көрсету станциясының қызметкері ауыр дене жарақаттарын алып, көз жұмды.

Қазіргі уақытта сотқа дейінгі тергеу амалдары басталды. Оқиғаның егжей-тегжейі анықталып жатыр.

Еске сала кетсек, қайғылы оқиға 7 қыркүйекте болды.

Облыстық Еңбек инспекциясы комитеті департаментінің мәліметінше, ер адам алған жарақаттары салдарынан көз жұмды.

Департамент жазатайым оқиғаның себептерін анықтау мақсатында тексеру жүргізеді.