Павлодарда қанша ойын алаңы орнатылады?

Облыс орталығының аумағында барлығы 610-ға жуық аулалық аумақтар бар, деп хабарлайды @Pavlodarnews.kz тілшісі.
Қазір қала бойынша 517 ойын алаңы бар. Биыл жергілікті билік 50 жаңа алаңды орнатуды жоспарлап отыр.
Бірақ аула ішіндегі көп жерлер бос болып қалуда.
– Көптеген тұрғындар ашық аулаларға ойын алаңдарын орнатуды сұрайды. Бірақ көптеген ашық аулаларда коммуникациялар, электр желілері өтеді. Сондықтан аулалар бос болса, онда электр желілері бар деген сөз, – дейді қала әкімінің орынбасары Әнуарбек Аманов. – Алдын ала қыста коммуналдық қызметпен бірге 50 учаскені аралап, жоспарларды қарастырдық.
Қазіргі таңда «Gold-ART» жауапкершілігі шектеулі серіктестігімен 10 шағын футбол алаңын орнатуға, ал «Alpha-Pro» ЖШС-мен 13 сыртқы күш жаттықтырғыш орнатуға келісім-шарт жасалды.
Сондай-ақ биылғы жылы 107 ауланың, 13-ке жуық мектеп пен үш медициналық ұйымның ішкі кварталдық аумақтарын жөндеу жоспарлануда. Ағымдағы жөндеу жұмыстары 17 шағын алаңға жоспарланған.
Бюджетті үнемдеу аясында Назарбаев даңғылы, 309 мекенжайындағы шағын саябақты абаттандыру жоспарда бар.