Жоба бес жылдан астам уақыт бойы қаржыландыруды күтуде, деп хабарлайды @Pavlodarnews.kz тілшісі.

Облыс орталығындағы жалғыз жерасты өткелі 2025 жылы да жөнделмейді.  Бұл ақпаратты Өңірлік коммуникациялар қызметінде өткен баспасөз конференциясында қала әкімінің орынбасары растады. 

– Біз әзірге жаңғырту жұмыстарын жүргізбейміз, оған қаражат бөлінген жоқ, – деп жауап берді Әнуарбек Аманов. – Өткен жылы жоспарлы жөндеу жұмыстарын жүргіздік. Қабырғаларды әктеп, сылап, баспалдақтарды жөндеп, шығармашылық адамдарды қабырғаларды бояуға шақырдық. Жоспарлы жөндеу жұмыстары бір жылға жетеді, бұл, әрине, қала тұрғындарының өздеріне байланысты. Менің байқауымша, бейнебақылау камераларды орнатылғаннан кейін вандалдар тынышталды.

Бес жыл бұрын белгіленген жоспар бойынша тек бейнебақылау камералары орнатылған.

Естеріңізге сала кетейік, билік жерасты өткелін жөндеу жұмыстарын 2019 жылы бастады. Жобаны әзірлемес бұрын нысанды «КазахстанСтройЭксперт» сарапшылары тексерген. Олар жерасты өткелінің жабынды құрылыс құрылымдары мен инженерлік желілерінің жағдайы мемлекеттік стандартқа сай емес деген қорытынды шығарды. Мамандар өздерінің техникалық есебінде жерасты өткелде заманауи шыны шатырлар орнатуды, баспалдақтарды қалпына келтіруді немесе ауыстыруды, мұз бен қарды тазарту жүйесін әзірлеуді ұсынды.

Сарапшылардың ұсыныстары қорытынды жобаға енгізілді. Олар кіреберіс аумақты, жабынды, баспалдақтарды, гидроизоляцияны қалпына келтіріп, бейнекамералар орнатпақ болған. Дегенмен, 2022 жылы жұмыс басталуы тиіс болған кезде жоба қайтадан тоқтап қалды.