Жөндеу жұмыстарынан кейін құбырлар тексерілуде, деп хабарлайды @Pavlodarnews.kz тілшісі.

«Павлодар жылу желілері» ЖШС «Қазақстан алюминийі» АҚ филиалының электр станциясынан жылу желілерінің гидравликалық сынақтарын жүргізуде. Жұмыстар 4 тамызға дейін жалғасады.

Осыған байланысты 29 ноября – Естай – Абай – Кривенко – Малайсары батыр – Қамзин көшелерінің қиылысындағы, Екінші Павлодар, Шығыс, Усолка, Дачный, Достық, Сарыарқа, Зеленстрой шағын аудандарындағы тұрғын үйлерде ыстық су болмайды.

Жөндеу жұмыстарынан кейін құбырлардағы ақауларды анықтау мақсатында сынақтар жүргізіледі.

– Сынақтар аяқталғаннан кейін бір ай бойы ыстық суды кезең-кезеңімен қосатын боламыз.  Ешқандай ақаулар анықталмаған жылу желілерінен қуат алатын тұрғын үйлерде ыстық су желілері біртіндеп қалпына келтіріледі. Ал егер ақаулар анықталса, жөндеуден кейін   кейінірек су беріледі, – деді «ПАВЛОДАРЭНЕРГО» АҚ баспасөз қызметінде.

Ұйым тұрғындардан жылу желілері өтетін жерлерде абай болуды сұрайды.

Барлық анықталған ескертулер мен бұзушылықтар бойынша +7 (7182)57-07-51 және +7 (7182) 62-61-09 телефон нөмірлеріне хабарласуға болады.