Сауалнама орталық және жергілікті деңгейдегі мемлекеттік органдардың жұмыс нәтижелерін бағалау үшін жүргізіледі, деп хабарлайды @Pavlodarnews.kz тілшісі.

Облыстық кәсіпкерлер палатасы бизнес субъектілерін ҚР «Атамекен» ҰКП тарапынан ҚР «Қазақстан Республикасының кәсіпкерлерінің ұлттық палатасы туралы» Заңының (10-бап, 2-тармақ) негізінде жүргізіліп жатқан сауалнамаға қатысуға шақырады.

– Бизнес-климат» рейтингі – бұл мемлекеттік органдардың бизнес жүргізуге жағдай жасау бойынша орталық және жергілікті деңгейлердегі жұмыс нәтижелерін бағалау мен салыстыруға бағытталған тәуелсіз зерттеу. Зерттеу 2013 жылғы 4 шілдедегі №129-V ҚР «Қазақстан Республикасының кәсіпкерлерінің ұлттық палатасы туралы» Заңына сәйкес жүргізіледі және «Атамекен» ҰКП-ның өз күшімен, сыртқы зерттеу ұйымдарын тартусыз жүзеге асырылады, – деді облыстық кәсіпкерлер палатасының баспасөз қызметі.

Ведомствоның мәліметінше, сауалнаманың мақсатты аудиториясы – шағын және орта бизнес кәсіпкерлері, соның ішінде жеке кәсіпкерлер мен шаруа қожалықтары. Ақпарат жинау шағын және орта бизнес өкілдері арасында онлайн-сауалнама арқылы жүргізіледі.

– Зерттеу барысында қатысушылардан алынған жеке және байланыс деректерінің құпиялылығы толық сақталады. Бизнес-климатты бағалау үшін 4 балдық шкала қолданылады: 1 – ең төменгі көрсеткіш, 4 – ең жоғары көрсеткіш, – деді палатада.

Бағалау критерийлері:

Шағын бизнес үшін:

• жергілікті атқарушы органдардың ашықтығы;
• бизнестің қажеттіліктері мен мәселелерін талқылауға жәрдемдесу;
• ЖАО-ның (Жергілікті атқарушы органдардың) жұмысының тиімділігі;
• бизнес мәселелерін шешуге көмектесу;
• мемлекеттік қолдау шараларының қолжетімділігі;
• қаржылық және қаржылық емес қолдау шараларының қолжетімділігі мен тиімділігі;
• сыбайлас жемқорлық деңгейі.

Орта бизнес үшін:

• инвестициялық жобаларды сүйемелдеу;
• инвестиция тарту және инвестжобаларды қолдау бойынша әкімдіктің қызметі.

Сауалнаманы шағын және орта бизнес өкілдері гиперсілтемелер бойынша өте алады.