Ақпараттық технологиялар колледжінің еріктілері республикалық «Таза Қазақстан» бастамасы аясында өткен «Өнегелі ұрпақ» акциясына белсене қатысты, деп хабарлайды @Pavlodarnews.kz тілшісі.

Іс-шара барысында студенттер қарттар үйінің аумағын тазалап, абаттандыру жұмыстарын жүргізді. Жастар белсенділік танытып қана қоймай, жауапкершілік пен шынайы жанашырлықтың үлгісін көрсетті. Нәтижесінде аула таза әрі жайлы кеңістікке айналды.

– Еріктілер үшін бұл күн тек тазалық жұмыстары ғана емес, үлкен тәрбие сағатына айналды. Олар қарт адамдарға құрмет көрсетіп, қамқорлықтың маңызын терең сезінді, – дейді колледж басшылығы. 

«Өнегелі ұрпақ» акциясы ардагерлер мен қарттар үйлерінің аумақтарын тазалау және абаттандыруға бағытталған. Бұл бастама жастарды қоғамдық пайдалы еңбекке баулып, мейірімділік пен азаматтық жауапкершілік құндылықтарын насихаттайды.