13 мұғалімге төсбелгі табысталды, деп хабарлайды @Pavlodarnews.kz тілшісі. 

Марапаттау рәсімін Павлодар облысының әкімі Асайын Байханов жүргізді.

– Өңірімізде 30 мыңнан астам педагог тынымсыз еңбек етуде. Біздің білім беру күшіміз – білім беру жүйесіне заманауи тәжірибені енгізетін үздік инновациялық алаңдардың бірі. Білім беру саласының 36 көшбасшысы «Үздік ұстаз» деген жоғары атаққа ие болды, – дейді аймақ басшысы.

Оның айтуынша, Қазақстанның 100 үздік олимпиадалық мектебінің рейтингінде дарынды балаларға арналған №8 лицей, ал мамандандырылған мектептер арасында облыс орталығындағы №3 гимназия жоғары орынға ие.

– Мен «Жыл мұғалімі-2023» облыстық байқауына бірнеше жылдан бері қатысып келемін, бірақ биыл ғана осы жетістікке жетіп отырмын. Еңбегім облыстық, республикалық байқаулардың жүлдегер атанған шәкірттерімнің жетістіктерімен бағаланады. Мәселен, сегіз жасар оқушым республикалық жарыста спорттық сайыстан екінші орынды жеңіп алды, – дейді «Павлодар облысының білім беру саласына қосқан үлесі үшін» төсбелгісінің иегері Оксана Дьяченко.

Сондай-ақ Баянауыл ауданы, Қ.Сәтбаев атындағы мектеп-балабақшасының оқу-әдістемелік кешені математика пәнінің мұғалімі Сәбит Ибадуллин «Қазақстанның еңбек сіңірген ұстазы» аталымымен, «Музыкалық колледж-дарынды балаларға арналған музыкалық мектеп-интернаты» кешенінің мұғалімі Гатина Зульфия Әмержанқызы «Білім беру ісінің құрметті қызметі» төсбелгісімен марапатталды.

– Бұл менің 34 жылдық жұмысымдағы бірінші марапатым. Бастауыш сынып мұғалімі мектептегі ең маңызды буын деп есептеймін. Біз балаларды оқуға үйретеміз, олардың не қызықтыратынын анықтаймыз. Болашақта ең маңыздысы: оқу, жазу, санау негіздерін үйретеміз, – дейді мақтау қағазымен марапатталған Павлодар қаласының №43 мектебінің бастауыш сынып мұғалімі Лариса Брехт.

Павлодарда 57 мұғалім марапатқа ие болды, ал облыс бойынша барлығы 200-ден астам ұстаз марапатталды.