Бұзушылық үшін 5 АЕК көлемінде айыппұл қарастырылған, деп хабарлайды @Pavlodarnews.kz тілшісі.

Күннің суытуымен автокөлік иелері қозғалтқыш пен ондағы мотор майы қауіпсіз жұмыс істеу үшін белгілі бір температураға жету үшін көліктерін алдын ала қыздырады. Бірақ қыздыру көп мөлшерде газдарды шығарумен үйлердің тұрғындарына қолайсыздық әкелуде.

ҚР Жол жүрісі ережелерінің 12-тармағына сәйкес, егер басқаларға қолайсыздық тудыратын болса, онда аулада көлік қыздыруға болмайды. Бірақ ҚР Жол жүру ережесінің 17-тармағы қазірдің өзінде ешқандай ескертусіз мұндай әрекетке тыйым салады. Ешкімге кедергісіз көлікті жолдың шетінде жылытуға болады. Мұндай жағдайда полиция айыппұл салмайды.

Автокөлік бес минуттан артық жұмыс істеп тұрса, бұл тәртіп бұзушылық болып саналады.

Тәртіпті бұзғаны үшін жүргізушіге 5 АЕК, яғни 18 460 теңге айыппұл салынады. Бұзушылық қайталанса, айыппұл екі есе артып, 36 920 теңгеге жетуі мүмкін.

Бірақ қылмыскерді жауапқа тарту үшін әлі де көліктің аулада бес минуттан астам жылынып жатқанын дәлелдеу керек. Айыппұл салу үшін полицейлер көліктің нөмірлері көрінетін бес минуттан асатын бейнежазбаны талап етеді. 

Павлодар облыстық полиция департаментінің мәліметінше, биылғы қыста ешкімге айыппұл салынбаған. Тұрғындардан шағым түскен жоқ.

Тәжірибе бұл баптың нәтижесін бермей отырғанын көрсетуде.