Концерт түрлі этностардың ән-билерімен жалғасты, деп хабарлайды @Pavlodarnews.kz.

«Ertis Promenade» сахнасында Павлодар облысы Қазақстан халқы Ассамблеясының шығармашылық ұжымдарының қатысуымен Қазақстан Республикасы Конституциясының 30 жылдығына арналған «Ата Заңым – айбыным» атты мерекелік концерт өтті.

Конституция күніне арналған мерекелік кеште әртүрлі этномәдени бірлестіктердің шығармашылық ұжымдары өнер көрсетті. Көрермендер назарына қазақ, орыс, татар, кәріс, неміс, белорус, грек, еврей, поляк, украин, тәжік, румын-молдаван мәдениеті мен ұлттық дәстүрін дәріптейтін әндер мен билер ұсынылды.

– Біздің ұжым басқа да «Достық үйінің» шығармашылық ұжымдарымен бірге «Ertis Promenade» сахнасында Қазақстан Республикасының Конституция күні қарсаңында өнер көрсетіп отыр. Конституцияның мән-маңызы бәрімізге белгілі. Жасымыз ұлғайған сайын мемлекетшілдік пен халық бірлігі сияқты ұғымдардың қадір-қасиетін тереңірек сезінеміз, – деді «Иртышские казаки» халықтық вокалдық ансамблінің өкілі Мария Петрова.

Қазақстан халқы Ассамблеясы түрлі ұлттардың достығы мен мәдениетін біріктіріп, қоғамға бейбітшілік пен келісімнің үлгісін көрсетіп келеді. Мұндай шараларға жастардың да қатысуы – өскелең ұрпаққа үлкен тәрбие.