Қатысушылар қала ішінде шығармашылық тапсырмаларды орындай отырып, ерекше сәттерді объективке түсіреді, деп хабарлайды @Pavlodarnews.kz тілшісі.

Жастар бастамаларын дамыту орталығының мәліметінше, 11 шілде күні сағат 17:00-де ерекше шығармашылық шара – «PavloVision» фотоаңшылық өтеді. Басталу орны – Естай көшесіндегі жағалау.

– Шара фотоөнерге қызығушылығы бар тұрғындар мен қонақтарға арналған. Қатысушылар қаланы аралап, арнайы тапсырмалар арқылы тосын ракурстар мен ерекше сәттерді түсіруге мүмкіндік алады. Ең креативті кадр авторларын жүлделер күтеді, – делінген хабарламада.

Ұйымдастырушылардың айтуынша, бұл – Павлодарды жаңа қырынан танып, фотоәуесқойлармен танысуға арналған тамаша мүмкіндік. Қатысу үшін смартфон немесе фотоаппарат жеткілікті.

Қосымша ақпарат пен тіркелу үшін: +7 (747) 714-10-27 (Айдана).