1960 жылы туған ер адам 14 қыркүйек күні Бектұров көшесінен шығып кетіп қайтып оралмаған, деп хабарлайды @Pavlodarnews.kz тілшісі.

Қала тұрғыны облыстық полиция департаментінің бастығы Василий Склярдың атына қалалық орталық полиция басқармасының аға жедел уәкілі Саят Нөкешевтің атына алғыс жолдады.

– Ағам Сергей Анатольевич Николаевты іздеудегі белсенді жұмысы үшін шын жүректен алғыс айтқым келеді. Аға жедел уәкілі Саят Нөкешевті ерекше атап өткім келеді. Қиын кезеңде табандылығы, кәсібилігі мен ұқыптылығы маған үлкен қолдау болды, – деп жазды қала тұрғыны.

Әйел адам жедел уәкілдің адамгершілік пен іскерлік сияқты қасиеттерін ерекше атап өтті.

– Жұмысыңызда көрсеткен көңіліңіз бен қамқорлығыңызға ризамыз. Сіздің қызметіңіз үлкен күш пен жігерді қажет етеді, бірақ адамдарды іздеу кезінде сіздердің қолдауларыңызға туыстар үшін баға жетпейді, – деп жазды қала тұрғыны.

Атап өту керек, полиция басшылығы облыс тұрғындарының ішкі істер қызметкерлерінің жұмысы туралы пікірлері мен полиция атына айтылған алғыс сөздерді жоғары бағалайды.