Ауа райы жоспарларды өзгертуі мүмкін, деп хабарлайды @Pavlodarnews.kz тілшісі.

Ауылшаруашылық жұмыстарын сәуір айының басында бастауды жоспарда бар. Егістік мерзімдері күнтізбелік күндермен ғана емес, сонымен қатар ауылшаруашылық дақылдарының вегетациялық кезеңімен де анықталады.

Облыстық ауыл шаруашылығы басқармасының басшысы Дархан Дощановтың айтуынша, диқандар картоп егуді 3 мамырда бастап, 5 маусымға дейін аяқтауы тиіс.

– Шаруалардың қоймаларында негізінен тұқымдық өнімдер сақталады. Күн жылынғанда жәшіктеріді ашып, тұқым қорын қарап шығуға болады, – деп қосты спикер. – Жиналған картоп тұқымының жалпы көлемі – 54 мың тонна.

Картоп мамыр айына дейін қоймалардан базарларға сатылады. Одан кейін сырттан әкелінетін тамыр дақылдарын жеткізуге болады.

Ақпан айында ауыл шаруашылығы тауарын өндірушілермен жасалған меморандум бойынша картоп әлеуметтік дүкендерге белгіленген бағамен – 120 теңгеден жеткізілді. Қазір көкөніс сақтайтын қоймалардан 200 теңгеден және одан да жоғары бағаға сатады. Қоймаларда әлі де 20 мың тоннаға жуық сәбіз бар, олар күн сайын дүкендерге жөнелтіледі.

Дархан Дощанов сиыр еті бағасының ауытқуына да тоқталды. Оның сөзінше, бұл республикалық мәселе. Облыс тұрғындары ауылшаруашылық жәрмеңкеге келіп, ақшасын үнемдей алады. Мысалы, нарықта сиыр етінің бағасы 2700-2800 теңге болса, жәрмеңкелерде 2100-2300 теңгеден сатылуда.

Биылғы жылы сиыр етін өндіру деңгейі былтырғы көрсеткіштерге сәйкес келеді, жас малдар –160 мыңға жуық.

– Оңтүстік өңірлерге малды сатуды азайту үшін Баянауыл ауданында бес мың сиырға арналған бордақылау алаңын салу жоспарлануда, – деді Дархан Дощанов.

Бұдан бөлек, 20 сәуірде өтетін Пасха алдында дәстүрлі түрде жұмыртқа бағасының өсуі байқалады.

– Қазіргі уақытта бір жұмыртқа 46 теңге тұрады, әзірге бағаның айтарлықтай өсуін болжап отырған жоқпыз. Әлеуметтік дүкендер мен ауылшаруашылық жәрмеңкелерінде жұмыртқаның бағалары тұрақты, – деп атап өтті басқарма басшысы.

Басқарма мамандарының есептеуінше, маусымдық бағаның ауытқуына және жекелеген тауарларды өткізудегі қиындықтарға қарамастан, облыстағы азық-түлік жағдайы тұрақты болып отыр.