Қайырымдылық науқаны іске қосылды, деп хабарлайды @Pavlodarnews.kz.

Ломов көшесі, 38 мекенжайында орналасқан Жастарды дамыту орталығында қараусыз қалған жануарлар мекендейтін баспаналарға көмек жинау акциясы өтеді. 

– Орталықтың жертөлесінде арнайы қорап орнатылды. Оған әр тұрғын өз үлесін қоса алады. Аз ғана көмек – төрт аяқты достарымызды құтқаруға үлкен қадам! – деді ұйымдастырушылар.

Тұрғындар иттер мен мысықтарға арналған құрғақ және дымқыл азық, жайлы төсеніштер, көрпелер, сүлгілер, ойыншықтар, ыдыстар, қарғыбаулар, жіптер, дәретханаға арналған құм, жаялықтар және басқа да қажетті заттарды әкеле алады.