Сапар барысында азаматтарды жеке қабылдау өткізілді, деп хабарлайды @Pavlodarnews.kz тілшісі.

Ауданда «AMANAT» партиясы Саяси кеңес Бюросы мен депутаттық фракциясының бірлескен отырысы өтті. Талқылауға ауданның партиялық активі, бастауыш партия ұйымдарының төрағалары, саяси кеңес мүшелері және мемлекеттік органдардың өкілдері қатысты.

Аудан әкімі Сержан Иманқұлов сайлауалды бағдарламаның орындалуы туралы егжей-тегжейлі есеп берді. 

– Аталған бағдарлама аясында қарастырылған 27 іс-шараның негізгі бөлігі қазірдің өзінде жүзеге асырылған. Мысалы, ауданда сайлауалды бағдарлама бойынша үш ауыл мектебі жөнделді, Арбиген ауылында медициналық пункт салынды, Шалдай ауылында дене шынықтыру-сауықтыру кешені ашылды, Александровка ауылында демеушілер есебінен шағын футбол алаңы жасалды. Сонымен қатар, 70 шақырымнан астам ішкі ауылдық және 50 шақырымға жуық аудандық жолдарға асфальт төселді. Келесі жылға 500 гектар суармалы жер телімін салу және 600 басқа арналған тауарлы сүт фермасын іске қосу жоспарланған, – деді «AMANAT» партиясы Павлодар облыстық филиалының баспасөз қызметі.

Ведомствода атап өткендей, «AMANAT» партиясынан сайланған ауылдық округ әкімдері де өздерінің сайлауалды міндеттемелерінің орындалуы туралы айтып берді. Шарбақты ауылдық округінің әкімі Марат Қожымов Мәдениет үйіне күрделі жөндеу жүргізілгенін, Шарбақты ауылында төрт бағдаршам орнатылып, тротуарлар жабдықталғанын мәлімдеді. 

– Галкин ауылдық округінің әкімі Марат Асаинов Арбиген және Шегірен ауылдарында сапалы интернет тартылғанын, сондай-ақ «Жер аманаты» жобасы аясында жалпы ауданы 1461,6 гектар болатын жеті жер телімі мемлекет меншігіне қайтарылғанын атап өтті, – делінген хабарламада.

Жұмыс кеңесі барысында депутаттық фракция тұрғындармен өзара іс-қимылдың және ақпараттық жұмыстың алдағы жоспарын талқылады. 

– Бүгінгі таңда өзімізге алған міндеттемелерді орындау ғана емес, сонымен қатар атқарылған жұмыс туралы халықты сапалы түрде ақпараттандыру маңызды. Біздің әрбір жобамыз, әрбір шешіміміз тұрғындар үшін ашық және түсінікті болуы тиіс. Сондықтан біз әлеуметтік желілерде белсенді жұмыс істеуді, жеке аккаунттарды дамытуды және партиялық бастамалардың іске асырылуын тұрақты түрде жариялауды ұсынамыз, – деп атап өтті облыстық филиалдың атқарушы хатшысы Николай Дычко.

Жұмыс сапары аясында «AMANAT» облыстық филиалының атқарушы хатшысы Николай Дычко жеке қабылдау өткізді. Оның барысында тұрғындар өзекті мәселелерді айтып, қажетті түсініктемелер алды.

Сонымен қатар, партия мүшелері «Шарбақты-Құс» ЖШС ұжымын Ауыл шаруашылығы қызметкерлері күнімен құттықтап, кәсіпорын мен оның қызметкерлерінің ауданның аграрлық секторын дамытуға қосқан үлесін атап өтті.