Qazaqstan Football League қыркүйек айының үздіктерін жариялады, деп хабарлайды @Pavlodarnews.kz тілшісі.

Олар екінші лиганың барлық қатысушы командаларының капитандары мен бас жаттықтырушылары арасында сауалнама жүргізу арқылы анықталды. Солтүстік-Шығыс конференциясында «Үздік ойыншы» номинациясында «Ертістің» форварды Арман Смайылов жеңіске жетті. «Үздік жаттықтырушы» болып Павлодар клубының тағы бір өкілі, дәлірек айтқанда оның бас жаттықтырушысы Николай Гавриш танылды.

Арман Смайылов қыркүйек айында ең көп – алты гол соқты. Чемпионат қорытындысы бойынша шабуылшы 19 гол соғып, осы маусымда өте нәтижелі ойын көрсеттік. Мысалы, астаналық «SD Family М» командасына қарсы ойында Арман Смайылов төрт гол соғып, покер жасады. Өткен жылы шабуылшы сондай ерлік жасаған еді, бірақ ол Қазақстан Кубогында Оралдың «Ақжайығы» құрамында еді.

2023 жылы форвард Семей «Елімайында» ойнады және командаға Премьер-лигаға шығуға көмектесті. 2024 жылдың басында Арман Смайылов туған «Ертісіне» оралды. Павлодарлықтар құрамында ойыншы аренда негізінде өнер көрсетті. Келісім мерзімі 2024 жылдың 31 желтоқсанында аяқталады.