Барлық көлік құралдарында бірыңғай мемлекеттік үлгідегі тіркеу белгілері болуы тиіс, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше,  тәртіп сақшылары мемлекеттік тіркеу нөмірлері көрінбейтін көлік құралдарының жүргізушілерін анықтау бойынша рейдтік іс-шаралар жүргізеді. 

Кейбір жүргізушілер жол жүру ережелерін бұзғаны, ЖКО жасағаны үшін автокөліктерді жылдамдық өлшегіштер мен бейнекамералар тани алмауы үшін көліктегі мемлекеттік нөмірлік тіркеу белгілерін әдейі жасырады. 

– Естай көшесінде көрінбейтін нөмірлері бар Lexus маркалы автомашина тоқтатылды. Жүргізуші мемлекеттік тіркеу нөмірлік белгілері көрінбейтін көлік құралын жүргізгені үшін жазаланды, оған 5 АЕК мөлшерінде айыппұл салынды. Бұзушылықты иесі сол жерде жойды, – деді Павлодар қаласы патрульдік полиция батальонының командирі Айдар Сламбеков.

Индикацияға сәйкес келмейтін және жалған нөмірлермен жүру нормаларды өрескел бұзу болып табылады. Егер сандар мен әріптер көрінбесе немесе нашар ажыратылса, құқық бұзушы жауапкершіліктен құтыла алмайды. Мұндай ережелерді бұзған жүргізуші әкімшілік жауапкершілікке тартылады.