Оқыс жағдай Торайғыров көшесіндегі «Конституция алаңы» аялдамасында орын алған, деп хабарлайды @Pavlodarnews.kz.

Облыстық полиция департаментінде зардап шеккен адам  арызбен жүгінбегенін хабарлады. 

– Автобус сағат 10:45-те тоқтады. Жол ақысын төлегенім сол еді  жүргізуші бірден жүріп кетті. Тұтқадан ұстап тұрғанымда құлап кетіп, жарақат алдым. 378BD14. Жүргізушінің ақыл-есі дұрыс емес. Менің жарақат алғанымды көрді және қатты ауырғаныма, тез жүре алмағаныма қарамастан, мені автобустан итеріп, шығарып жіберді. Сол кезде жедел жәрдем шақырып, көмектескен әйелге алғысым зор. Неліктен мұндай жүргізушілерге жұмыс істеуге рұқсат етіледі? Такси паркінің жүргізушілері адамдардың өміріне жауап береді! – деп жазады жарақат алған әйел әлеуметтік желіде. 

Облыстық жедел жәрдем станциясының мәліметінше, шақырту сағат 10:49-да түскен,  оқиға орнына сегіз минутта жеткен. Автобусты кенеттен тоқтату кезінде жарақат алған. № 1 қалалық ауруханаға жеткізілген. Жағдайы орташа ауыр деп бағаланады.