Өте тартысты өткен белдесуде ол Жамбыл облысынан келген қарсыласын жеңді, деп хабарлайды @Pavlodarnews.kz тілшісі.

Семейде өтіп жатқан Қазақстан чемпионатында 60 келі салмақта финалдық кездесу өтті. Шешуші айқаста павлодарлық Серік Теміржанов жамбылдық Бейбарыс Жексенге қарсы шықты. Өте тартысты өткен жекпе-жекте жерлесіміз 2025 жылғы әлем чемпионатының іріктеу кезеңіндегі қарсыласының есесін қайтарып, жеңіске жетті.

- Мен бір кездері Қазақстан чемпионы болдым, содан бері көп уақыт өтті. Чемпионатқа, әсіресе финалға өте тыңғылықты дайындалдық. Бейбарыс Жексенді бәрі біледі – ол өте мықты, тәжірибелі күрескер, сонымен қатар адамгершілігі де мол жігіт. Жекпе-жек өте таза, өзара құрметпен өткенін бәрі көрді деп ойлаймын, - дейді жеңімпаз.

Ертіс ауданының тумасының айтуынша, биылғы чемпионаттың деңгейі өте жоғары: жас спортшылар қазірдің өзінде атышулы тәжірибелі спортшыларды басып озуға даяр тұр. Жекпе-жектер өте қиын болды.

Посмотреть эту публикацию в Instagram

Публикация от Kazakhstan Boxing Federation (@boxingkazakhstan)

Естеріңізге сала кетейік, Семейде бокстан ерлер мен әйелдер арасындағы Қазақстан чемпионаты өтіп жатыр. Жекпе-жек Семейдегі «Абай Арена» спорт кешенінде өтіп жатыр. Чемпионатқа 20 облыстан 371 боксшы қатысуда: 246 ерлер және 125 әйелдер.