Шара барысында қазақтың салт-дәстүрлері көрсетіледі, деп хабарлайды Рavlodarnews.kz.   

1 маусым күні сағат 15.00-де Бұқар жырау атындағы әдебиет және өнер музейінің ұйымдастыруымен Халықаралық балаларды қорғау күніне арналған «Бұқар жырау ауылға шақырады» атты  мерекелік шара өтеді.   

–   Киіз үй құрылып, балаларға қазақтың салт-дәстүрі мен «Арқан тарту», «Садақ ату»  тағы басқа  ұлттық ойындары өткізіліп, ән айтылады. Балалардың өмірін, денсаулығын сақтау, ұлттық салт-дәстүрді бойларына сіңіріп, болашақ үлкен өмірге қадам басуға тәрбиелеп, бағыт-бағдар беру –  үлкендердің парызы, – дейді ұйымдастырушылар. 

Шараға балалар үйінің тәрбеленушілері қатысады.