Ел бойынша командалық-штабтық жаттығулар өтуде, деп хабарлайды @Pavlodarnews.kz 

Павлодар облысы ТЖД бастығының орынбасары Қайрат Шаймарденовтың айтуынша, департамент қызметкерлері теориялық және практикалық дағдыларды пысықтауда.

– Оқу-жаттығуға ТЖД жеке құрамының 40 техникасы мен 80 адамы, сондай-ақ полиция, жергілікті атқарушы орган, орман шаруашылығы мекемелерінің қызметкерлері жұмылдырылды, – деп атап өтті спикер.

«Ертіс орманы» табиғи резерватының аумағында шатырлы қалашық құрылды. Сценарий шарты бойынша жоғары тәуліктік температура мен қатты желдің нәтижесінде күрделі өрт қауіпті жағдай қалыптасты. Қатысушылар өздерінің әрекет сегментін пысықтады. 

Оқу-жаттығу кезінде облыстық ТЖД басқару органдары, күштері мен құралдары «жоғары дайындық» жұмыс істеу режиміне көшіп, шекара қызметтерінің өзара іс-қимылына ерекше назар аударылды. Аңыз бойынша орман өртінің жалыны Ресей Федерациясының көрші аумағына тарай бастаған. Екі елдің шекара күштерінің қатысуымен павлодарлық өрт сөндірушілер жеңілдетілген жолмен шекарадан өте алды. 

Қайрат Шаймарденов орман өрттерін сөндіру бойынша республикалық оқу-жаттығудың барлық қатысушылары өз міндеттерін жақсы орындағанын атап өтті.