Шара Домбыра күніне арналды, деп хабарлайды @Pavlodarnews.kz тілшісі.

Аққулы аудандық білім беру бөлімінің мәліметінше, «Домбыра үлгісі» байқауының мақсаты – жас ұрпақтың бойында отансүйгіштік рух пен белсенді азаматтық ұстанымды қалыптастырып, ұлтжанды ұрпақ тәрбиелеу, ұлттың ұлылығын ұлықтау. 

Жарысқа 30-дан астам бала қатысты. Қазылар алқасы макеттерді ұсынудың өзіндік және шығармашылық тәсілдерін, эстетикалық және әдеттен тыс тәсілді жоғары бағалады. Қатысушылар қиялдарына ерік беріп, домбыра жасау үшін түрлі материалдарды пайдаланды: ағаш картон, құрақ, папье-маше, сымдар, диск пластинкалары, гипс, фетр, гүлдер, квиллинг, шарлар. 

Байқау қорытындысы бойынша жүлдегерлер білім бөлімінің мақтау қағаздарымен марапатталды.