Үй салу жұмыстары партиялықтардың көңілінен шықты , деп хабарлайды @Pavlodarnews.kz тілшісі 

«AMANAT» партиясының мүшелері Ақтоғай ауданындағы Жалаулы ауылында су тасқынынан зардап шеккен адамдар үшін салынып жатқан жаңа үйлердің құрылыс барысымен танысты. 

ТЖ департаментінің мәліметінше, су тасқыны кезінде Жалаулы ауылында 14 үй зардап шеккен. Сараптама қорытындысы бойынша 9 отбасына ақшалай өтемақы берілді. Облыс әкімі Асайын Байханов апатты және қалпына келтіруге жатпайтын 5 жаңа үйдің құрылысын бастау туралы шешім қабылдаған болатын. 

– Екі үйдің қаңқасы салынғанын көрдік. Қалған үшеуі салынуда. Тұрғын үйлер сапалы материалдардан салынып, барлық қажетті заттармен толық қамтамасыз етіледі, – деді облыстық партия филиалының атқарушы хатшысы Айгүл Маликова.

Су тасқыны кезінде үйі қатты зардап шеккен жергілікті тұрғын Светлана Муллина жаңа тұрғын үй салынуы туралы өз әсерімен бөлісті. Алты баланы жалғыз тәрбиелеген көпбалалы ана бұл жағдайға бей-жай қарамайтын барлық қазақстандықтарға көмек пен қолдау көрсеткені үшін алғысын білдіреді. 

– Мен қуаныш пен толқуды сезінемін. Біз құрылыс жеріне үнемі барамыз, жұмысшылармен сөйлесеміз, жаңа тұрғын үй біздің көз алдымызда салынуда. Үйлердің толық дайын болып тапсырылатындығы жағымды тосынсый болды. Олар едендерді, линолеум төсеуді, қабырғаларды сылауды, қазандық жабдықтарын және басқаларын орнатуға уәде беруде, – деді Светлана Муллина.

Құрылыс жобаларын әзірлеудің ерекшеліктерінің бірі – жергілікті тұрғындармен толық өзара іс-қимыл және бірлескен жұмыс болды. Сонымен, дизайнерлер мен құрылысшылар болашақ үй иелерінің барлық тілектері мен ұсыныстарын ескереді. «Стальмонтаж» ЖШС үйлердің құрылысы бойынша жұмыстарды үш ай ішінде толық аяқтауды жоспарлап отыр.