Жөндеу жұмыстары әлі жалғасатын болады, деп хабарлайды @Pavlodarnews.kz.

Облыс әкімі Асайын Байхановтың тапсырмасын орындау аясында Ақсу қаласының қалпына келтіру және маусымдық жұмыстардың барысын тексерді.

Ақсу шағын ауданында ағаштарды санитарлық кесу және аумақты тазалау жұмыстарының барысы тексерілді. Бұл жұмыстарға 40-қа жуық адам және 10 арнайы техника бірлігі тартылды.

– АЖҚ-2 нысанында №3, 4, 5 және 6 қазандықтарды жөндеу жұмыстарының барысы қаралды. Бұл жұмыстар алдағы жылыту маусымына дайындық шеңберінде жүргізілуде. Қазіргі таңда диірмендер жөнделіп, желдеткіштерге тексеру жүргізілді. Сонымен қатар, отын жағу камерасының және газ тазарту жүйесінің қаптамасын ауыстыру, артқы экранды жаңарту жоспарлануда. Жұмыстардың жалпы орындалу көлемі 50 пайызда асты, – деді қала әкімі Болатбек Шәріпов.

Жақында болған дауылдың салдарынан зардап шеккен Астана көшесі, 1/1 мекенжайындағы қалпына келтіру жұмыстарының барысы да тексерілді. Жұмысты «100 Машин» ЖШС мердігер ұйымы жүргізуде. Нысанда 6 адамнан құралған бригада жұмыс істеп жатыр.

Сонымен қатар, қысыммен және өздігінен ағу құбыру әдісімен жұмыс істейтін кәріз коллекторларын қайта жаңарту жұмыстарының барысы қаралды. Жоба аясында 930 метр өздігінен ағу құбыры төселді, ағын суларды бұруға арналған құдықтар орнатылуда. Бұдан бөлек, 800 метр қысымды коллектор төселіп, Ақсу-2 вокзалы маңында құбыр желісін жуу және камералар салу жұмыстары жүргізілуде.