Автофестиваль 5 қыркүйекте өтеді, деп хабарлайды @Pavlodarnews.kz тілшісі.

Павлодарда осы күздегі ең ауқымды шараның бірі - автоәуесқойларға арналған LowKzMeet автофестивалі өтеді. 

Іс-шара сағат 13:00-де Ertis Pavlodar ипподромында басталады.

Фестивальге келушілерге қолайлы жағдай жасау мақсатында қаланың бірнеше нүктесінен ипподромға арнайы автобустар ұйымдастырылады.

Автобустар келесі локациялардан қатынайды:

Теміржол вокзалы;

Дачный шағын ауданы – Қамзин көшесі мен Ладожская көшесінің қиылысы;

Усолка шағын ауданы – «Greenwich» супермаркеті, Ткачев көшесі, 10/4;

Кривенко көшесі, 25;

М. Жүсіп атындағы мешіт – Н.Назарбаев даңғылы мен Қайырбаев көшесінің қиылысы;

Прибрежный шағын ауданы.

Ипподром бағыты бойынша автобустар сағат 12:00-де жүреді. Ал іс-шара аяқталғаннан кейін сағат 21:15-те автобустар қалаға кері қайтады. 

Ұйымдастырушылар тұрғындар мен қала қонақтарын фестивальге қоғамдық көлікпен ыңғайлы жету үшін арнайы автобус бағыттарын пайдалануға шақырады.