Ақпарат және қоғамдық даму басқармасы басшысының орынбасары конкурс қорытындысы бойынша таңдалды, деп хабарлайды @Pavlodarnews.kz тілшісі.  

Басқарма басшысы Әзілхан Кәріғұлұлы Әбеуов жаңадан тағайындалған орынбасары Қабдраш Абзал Қайратұлына бірқатар тапсырмалар берді.

Абзал Қабдраш 1995 жылы Ақтоғай ауданында дүниеге келген.

Инновациялық Еуразия Университетінде қазақ тілі мен әдебиеті мамандығын аяқтаған. 

«Ертіс Медиа» ЖШС-де Регион.kz газетінің және Pavlodarnews.kz АА-нің тілшісі болып еңбек етті. Түрлі жылдары Екібастұз, Түркістан қалаларында жұмыс істеді. 2020-2022 жылдары Павлодар облысы 109 бірыңғай байланыс орталығының басшысы болды. 

Бұл лауазымға дейін Павлодар қаласы әкімінің кеңесші болып қызмет атқарды.