Екі өңірлік колледж бір-бірімен тәжірибе алмасады, деп хабарлайды @Pavlodarnews.kz тілшісі.

«Ertis» жоғары Инновациялық аграрлық колледжінің мәлімдеуінше, Шығыс Қазақстан көпсалалы колледжімен ынтымақтастық туралы меморандум жасалды.

Ынтымақтастық базаны, жабдықты, колледж мамандарын пайдалана отырып іс-шараларды ұйымдастыруда өзара көмекті, студенттер мен оқытушылардың тағылымдамаларын ұйымдастыруды, студенттердің академиялық ұтқырлығын, білім беру бағдарламаларын бірлесіп әзірлеуді және тағы басқаларын көздейді.

– Бұл біздің колледж үшін өз тәжірибемізбен бөлісіп қана қоймай, өзіміз үшін Шығыс Қазақстан әріптестерімізден жаңа нәрсе білуге жақсы мүмкіндік, – дейді «Ertis» колледжінің басшысы Айгүл Байжұманова.

Атап айтқанда, қазіргі уақытта «Ауыл шаруашылығын механикаландыру» және «Ветеринария» мамандықтары бойынша 8 студент өз оқытушыларымен жаңа серіктестермен тағылымдамаға жолдама алды.