Бұл жұмыстар Қазақстан Республикасының 2024–2028 жылдарға арналған су шаруашылығын дамыту кешенді жоспарына кіреді, деп хабарлайды @Pavlodarnews.kz тілшісі.

Бұл туралы Қазақстан Республикасының Су ресурстары және ирригация министрлігінің «Қазводхоз» республикалық мемлекеттік кәсіпорнының Павлодар филиалы мәлімдеді.

Жоспарға сәйкес, лиман суландыру жүйесін реконструкциялау Аққулы ауданында (11,2 мың гектар), Ертіс ауданында (1,6 мың гектар), Павлодар ауданында (16,2 мың гектар), Ақтоғай ауданында (5,4 мың гектар), Екібастұз қаласының ауылдық аймағында (17,3 мың гектар) жүргізіледі. Сонымен қатар, Баянауыл (6,7 мың гектар) және Май аудандарында (14,6 мың гектар) гидромелиорациялық жүйелерді реконструкциялау жоспарлануда.

«Қазводхоз» филиалының хабарлауынша, аталған шаралар су шаруашылығы жағдайын жақсартып, жер асты суларының деңгейін көтереді және су көздерін қалпына келтіруге мүмкіндік береді. Лиман суландыру жүйесін реконструкциялау арқылы суармалы шалғындарда шөп өнімділігі жоғарылайтын болады, бұл тек заливті шалғындарда ғана емес, табиғи шабындықтар мен жайылымдарда да өнімділікті арттырады. Әрі каналдардағы судың шығынын азайтып, лимандардың көлемін ұлғайтады.