Екі трамвай қаланы түрлі бағыттарда аралайды, деп хабарлайды @Pavlodarnews.kz тілшісі.

Павлодар облысының әкімі Асайын Байханов бірыңғай байланыс орталығын танымал ету мақсатында 109 логотипі бар фирмалық трамвайларды шығаруды тапсырған болатын. Логотиптен басқа, көлік қысқа нөмірді, Instagram және Telegram аккаунттарын теру мүмкіндігін де көрсетеді.

Вагондар іске қосылған күні шағын іс-шара өткізіліп, жолаушыларға тәттілер мен 109 туралы ақпараттық үндеухат таратылды.

109 бірыңғай байланыс орталығының директоры Абзал Қабдраштың айтуынша, қызмет тәулік бойы жұмыс істейді.

– 109 қызметі облыс бойынша жұмыс атқарылуда. Бізге күніне 800-ге дейін қоңырау түседі. Коммуналдық қызметтерді мақұлдау, желілердегі жоспарлы үзілістер, тұрғын үй-коммуналдық шаруашылық, денсаулық сақтау, білім, кәсіпкерлік, әлеуметтік қорғау және тағы басқа шағымдарды қабылдаймыз, – деді Абзал Қабдраш.

Бұл трамвайлар Павлодардың бойында жүргенімен, маршруттары күн сайын өзгеріп тұрады.

Естеріңізге сала кетейік, 109 қысқа нөміріне қоңырау шалу тегін. Сұраныстарды WhatsApp + 7 747 7 901 109, Instagram желісінде - @109. Pavlodar немесе Telegram bot - pavlodar109 жіберуге болады.