Қала тұрғындары Mock Trial сот симуляциясын тамашалай алады, деп хабарлайды @Pavlodarnews.kz тілшісі.

Павлодарда алғаш рет Mock Trial – америкалық үлгідегі сот процесінің симуляциясы ұйымдастырылады.

Ұйымдастырушылардың айтуынша, бұл – оқу сотының халықаралық деңгейде кең тараған моделі. Қатысушылар нақты сот отырысындағыдай дәлелдер ұсынып, қарсы тараптың уәждеріне жауап береді, куәларды айқастыра сұрап, өз құқықтық ұстанымын тәуелсіз қазылар алқасы алдында қорғайды.

Іс-шара заңгерлік мамандықта оқитын студенттер мен оқушыларға халықаралық және процессуалдық құқық бойынша білімдерін тәжірибеде сынауға мүмкіндік береді.

Сот процесінің симуляциясы 26 шілдеде сағат 14:00-17:00 аралығында Академик Сәтбаев көшесі, 73 мекенжайында өтеді.

Ұйымдастырушылар көрермендер мен қонақтар үшін алдын ала тіркелу міндетті екенін хабарлады.