Автокөлік айып тұрағына қойылды, деп хабарлайды @Pavlodarnews.kz.

Облыстық полиция департаменті баспасөз қызметінің мәліметінше, 11 сәуірде сағат 20.50-де «БМВ-518» автокөлігінің 46 жастағы жүргізушісі Торайғыров көшесіндегі үйге қарама-қарсы жерде 1937 жылы туған жаяу жүргіншіні қағып кеткен. 

– Ол жолдың жүру бөлігін белгісіз жерде кесіп өтіп бара жатқан. Жол-көлік оқиғасы салдарынан жарақат алған адам ауруханаға жатқызылды. Өкінішке орай, сағат 00.10-да алған жарақаттарынан қайтыс болды,  –  деді департаментте. 

Аталған факті бойынша тексеру жүргізілуде, сараптама тағайындалды.