Өткен жылы 60 мыңнан астам талон алынған, деп хабарлайды @Pavlodarnews.kz тілшісі.  

Аталмыш сервис 2022 жылдың сәуір айында енгізілді. Соңғы 5 айда бұл көрсеткіш айтарлықтай өсті: 2023 жылдың желтоқсанында пайдаланушылар үш мыңға жуық талон алса, ал сәуірде – 12 жарым мыңнан астам талон алынған.

Айта кетейік, кезектің электрондық талонын «ХҚКО» қосымшасы арқылы ресепшн бағанындағы QR-кодты сканерлеу арқылы алуға болады. Ол үшін қосымша арқылы халыққа қызмет көрсету орталығына алдын ала онлайн брондау рәсімделуі қажет. Сондай-ақ, қызмет екінші деңгейлі банктің қосымшаларының бірінде қолжетімді.

– Мемлекеттік корпорация мемлекеттік қызмет көрсетуді цифрландыру бойынша белсенді жұмыс жүргізуде, – деді басқарма төрағасы Арман Кенжеғалиев. – Бүгінгі таңда көптеген қызметтерді үйден шықпай-ақ онлайн режимінде алуға болады. Егер тек ХҚКО-да көрсетілетін қызмет болса, онда кезекті алдын ала брондап, жазылған уақытта келуге болады. Бұл жағдайда ресепшендегі маманға жүгінудің қажеті жоқ. Азамат кезектің электрондық талонын өз бетінше ала алады. Осылайша, көрсетілетін қызметті алушылардың уақыты ғана емес, сондай-ақ, талондарды шығаруға кететін қағаз да үнемделеді. 

2024 жылы «Азаматтарға арналған үкімет» «ХҚКО» мобильдік қосымшасын қолдану тәжірибесін талдап, оны клиенттерге ыңғайлы болу үшін қайта өзгертуге ниетті. Қазіргі уақытта қосымшаның негізгі функциялары – кезекті электронды брондау және ХҚКО операторының бейнеқоңырауы арқылы мемлекеттік қызметтерді көрсету болып табылады.