Екі қаланың мердігерлері жұмыс істеп жатыр, деп хабарлайды @Pavlodarnews.kz тілшісі.

Ақтоғай ауданы Жоламан ауылында 1 шілдеге дейін балалар сауықтыру лагерін жөндеуден өткізу жоспарлануда.

Облыстық ішкі саясат басқармасында хабарлағандай, жөндеу жұмыстары қарқынды жүргізілуде: демонтаж, еден төсеу, ғимаратты қаптау жұмыстары аяқталды, құбырлы құдық орнатылды, ішкі плитка төсеу жұмыстары жүргізілуде. Сондай-ақ кір жуатын бөлме, ас үй және клуб жөндеуден өтеді. Бұл жұмысқа Алматы және павлодарлық мердігерлер кірісіп кеткен. 

–  Үнемделген қаражатты пайдалану үшін медициналық пунктті жөндеуге конкурс өткізілді. Сондай-ақ жатын бөлмелерін, көшедегі орындықтарды, әткеншектерді, жұмсақ жабдықтарды, соның ішінде матрацтарды, жастықтарды, көрпелерді және төсек жамылғыларын ағымдағы жөндеуге қажетті шаруашылық тауарларын сатып алу жоспарлануда, –  дейді басқармада. 

Сондай-ақ олар дератизация, дезинфекция және залалсыздандыру процедураларын жүргізуді, электр кедергісі мен найзағайларды өлшеуді, қосымша бақылау камераларын орнатуды көздеп отыр. 

Айта кету керек, «Ақтоғай» лагерінде бір мезгілде 75 оқушыға дейін демалуға болады.