Қолайсыз ауа райына байланысты өткен тәулікте 103 жедел медициналық жәрдем қызметіне екі шақырту келіп түсті, деп хабарлайды @Pavlodarnews.kz тілшісі.

Павлодар қаласында 1993 жылы туған ер адам найзағай кезінде зақымданған ағаштың бұтағы құлап, басынан жарақат алды. Зардап шегуші Павлодар қалалық №1 ауруханасына жеткізілді.

Құдайкөл ауылында бес адам медициналық көмекке жүгінген. Олардың қатарында 2007 жылы туған қыз, 1979 жылы туған ер адам, сондай-ақ 2011 және 2010 жылдары туған үш бала бар. Зардап шеккендердің денесінде қол, арқа және аяқ-қол аймақтарында жеңіл соғылулар мен сырылулар тіркелді.

Дәрігерлердің мәліметінше, барлық зардап шеккендерге алғашқы медициналық көмек көрсетілді. Олардың жағдайы қанағаттанарлық болғандықтан, ауруханаға жатқызу қажет болмай, оқиға орнында қалдырылды.