Елімізде психиатриялық ауруханалар қызметінің көлемі бір жылда 12%-ға өскен, деп хабарлайды  @Pavlodarnews.kz тілшісі.

Finprom.kz сарапшыларының деректеріне сүйенсек, бұл ретте халықтың есебінен көрсетілетін қызметтер көлемі бірден 61%-ға ұлғайған.

Қазақстанда психиатриялық ауруханалары ағымдағы жылдың екінші тоқсанында қазақстандықтарға және елімізде тұратын азаматтарға 13,9 млрд теңгеге қызмет көрсеткен. Бұл – өткен жылмен салыстырғанда бірден 11,8%-ға артық. 

Қызметтердің негізгі бөлігі — жалпы көлемнің 94,1% немесе 13 млрд теңге бюджет қаражаты есебінен көрсетілді. Бұл сегменттегі жылдық өсім 9,7%-ға жетті. Халық есебінен көрсетілген қызметтер – 785,7 млн теңгені (жылына 60,7%), кәсіпорындар есебінен 35,1 млн теңгені (28,5%) құрады.

– Өңірлер бөлінісінде сектордағы қызметтердің ең көп көлемі Шымкентте (2 млрд теңге – бір жыл бұрынғыға қарағанда 2,8 есе көп) және Алматыда (1,4 млрд теңге), сондай-ақ Қарағанды (1,3 млрд теңге), Павлодар (1,1 млрд теңге) және Қызылорда (861,3 млн теңге) облыстарында тіркелді, – дейді сарапшылар. 

 2023 жылдың қорытындысы бойынша елде ересектерге арналған 46 психоневрологиялық медициналық-әлеуметтік мекеме және балаларға арналған 17 мекеме болған.